श्री सीता सहस्त्रनामस्तोत्रम् ! Shri Sita Sahastranamstotram !

श्री सीता सहस्त्रनामस्तोत्रम् ! Shri Sita Sahastranamstotram !

श्री सीता सहस्रनाम स्तोत्र, माता सीता के लिए है. माता सीता, भगवान राम की सहधर्मिणी हैं और सर्वमंगलदायिनी हैं कहा जाता है कि जगत् के सभी जीव, माता सीता की कृपा और करुणा से पोषित हैं माता सीता, सद्बुद्धि जीवों का उत्थान करती हैं और दुर्बुद्धि वाले जीवों को अपने सतीत्व के प्रभाव से नष्ट करती हैं !

श्री सीता सहस्रनामस्तोत्र पाठ माहात्म्य :-

श्री सीता सहस्रनाम स्तोत्र के स्तवन्(पाठ) से महामारी, आधि व्याधि आदि भयानक उपद्रवों से श्रद्धालु पाठक (यजन कर्ता) की निश्चय ही रक्षा होती है। इस सहस्रनामस्तोत्र के प्रभाव से शत्रुओं की पराजय होती है। इस स्तोत्र के प्रभाव से साधक को अभिलषित वस्तुओं की प्राप्ति सहज ही हो जाती है।

श्री सीता सहस्रनाम स्तोत्र के पाठ करने से कई फ़ायदे होते हैं:-

• इस स्तोत्र के पाठ से महामारी, आधि व्याधि, और दूसरे भयानक उपद्रवों से रक्षा होती है !
• इस स्तोत्र के पाठ से शत्रुओं की हार होती है !
• इस स्तोत्र के पाठ से साधक को मनचाही चीज़ें आसानी से मिलती हैं !
• इस स्तोत्र के पाठ से चारों वर्णों (ब्राह्मण, क्षत्रिय, वैश्य, शूद्र) को अपनी मनोकामनाएं पूरी होती हैं !
• इस स्तोत्र के पाठ से भगवान राम की कृपा मिलती है !
• इस स्तोत्र के पाठ से भौतिक चीज़ें मिलती हैं और नए कामों के रास्ते खुलते हैं !
• इस स्तोत्र के पाठ से आय के रास्ते प्रशस्त होते हैं !

Shri Sita Sahastranamstotram !

श्री सीता सहस्त्रनामस्तोत्रम् ! Shri Sita Sahastranamstotram!

ध्यानम्

सकलकुशलदात्रीं भक्तिमुक्तिप्रदात्रीं

त्रिभुवनजनयित्रीं दुष्टधीनाशयित्रीम् ।

जनकधरणिपुत्रीं दर्पिदर्पप्रहर्त्रीं
हरिहरविधिकर्त्रीं नौमि सद्भक्तभर्त्रीम् ॥

ब्रह्मणो वचनं श्रुत्वा रामः कमललोचनः ।
प्रोन्मील्य शनकैरक्षि वेपमानो महाभुजः ॥१॥

प्रणम्य शिरसा भूमौ तेजसा चापि विह्वलः ।
भीतः कृताञ्जलिपुटः प्रोवाच परमेश्वरीम् ॥२॥

का त्वं देवि विशालाक्षि शशाङ्कावयवाङ्किते ।
न जाने त्वां महादेवि यथावद् ब्रूहि पृच्छते ॥३॥

रामस्यं वचनं श्रुत्वा ततः सा परमेश्वरी ।
व्याजहार रघुश्रेष्ठं योगिनामभयप्रदा ॥४॥

मां विद्धि परमां शक्तिं महेश्वरसमाश्रयाम् ।
अनन्यामव्ययामेकां यां पश्यन्ति मुमुक्षवः ॥५॥

अहं वै सर्वभावानामात्मा सर्वान्तरा शिवा ।
शाश्वती सर्वविज्ञाना सर्वमूर्तिप्रवर्तिका ॥६॥

अनन्तानन्तमहिमा संसारार्णवतारिणी ।
दिव्यं ददामि ते चक्षुः पश्य मे पदमैश्वरम् ॥७॥

इत्युक्त्वा विररामैषा रामोऽपश्‍यच्च तत्पदम् ।
कोटिसूर्यप्रतीकाशं विष्वक्‍तेजो निराकुलम् ॥८॥

ज्वालावलीसहस्त्राढ्यं कालानलशतोपमम् ।
दंष्ट्राकरालदुर्धर्षं जटामण्डलमण्डितम् ॥९॥

त्रिशूलवरहस्तं च घोररूपं भयावहम् ।
प्रशाम्यत्सौम्यवदनमनन्तैश्वर्यसंयुतम् ॥१०॥

चन्द्रावयवलक्ष्माढ्यं चन्द्रकोटिसमप्रभम् ।
किरीटिनं गदाहस्तं नूपुरैरुपशोभितम् ॥११॥

दिव्यमाल्याम्बरधरं दिव्यगन्धानुलेपनम् ।
शङ्खचक्रकरं काम्यं त्रिनेत्रं कृत्तिवाससम् ॥१२॥

अन्तःस्थं चाण्डबाह्यस्थं बाह्मभ्यन्तरतः परम् ।
सर्वशक्तिमयं शान्तं सर्वाकारं सनातनम् ॥१३॥

ब्रह्मोन्द्रोपेन्द्रयोगीन्द्रैरीड्यमानपदाम्बुजम् ।
सर्वतःपाणिपादं तस्तर्वतोऽक्षिशिरोमुखम् ॥१४॥

सर्वमावृत्य तिष्ठन्तं ददर्श पदमैश्वरम् ।
दृष्ट्वा च तादृशं रूपं दिव्यं माहेश्वरं पदम् ॥१५॥

तयैव च समाविष्टः स रामो हृतमानसः ।
आत्मन्याधाय चात्मानमोंकारं समनुस्मरन् ॥१६॥

श्री सीता सहस्त्रनामस्तोत्रम् ! Shri Sita Sahastranamstotram !

नाम्नामष्टसहस्त्रेण तुष्टाव परमेश्वरीम् ।

सीतोमा परमा शक्तिरनन्ता निष्कलामला ॥१७॥

शान्ता महेश्वरी नित्या शाश्वती परमाक्षरा ।
अचिन्त्या केवलानन्ता शिवात्मा परमात्मिका ॥१८॥

अनादिरव्यया शुद्धा देवात्मा सर्वगोचरा ।
एकानेकविभागस्था मायातीता सुनिर्मला ॥१९॥

महामाहेश्वरी शक्ता महादेवी निरञ्जना ।
काष्ठा सर्वान्तरस्था च चिच्छक्तिरतिलालसा ॥२०॥

जानकी मिथिलानन्दा राक्षसान्तविधायिनी ।
रावणान्तकरी रम्या रामवक्षःस्थलाश्रया ॥२१॥

उमा सर्वात्मिका विद्या ज्योतीरूपायुताक्षरी ।
शान्तिः प्रतिष्ठा सर्वेषां निवृत्तिरमृतप्रदा ॥२२॥

व्योममूर्तिर्व्योममयी व्योमाधाराच्युता लता ।
अनादिनिधना योषा कारणात्मा कलाकुला ॥२३॥

नन्दप्रथमजा नाभिरमृतस्यान्तसंश्रया ।
प्राणेश्वरप्रिया माता महामहिषवाहना ॥२४॥

प्राणेश्वरी प्राणरूपा प्रधानपुरुषेश्वरी ।
सर्वशक्तिःकला काष्ठा ज्योत्स्नेन्दोर्महिमास्पदा ॥२५॥

सर्वकार्यनियन्त्री च सर्वभुतेश्वरेश्वरी ।
अनादिरव्यक्तगुणा महानन्दा सनातनी ॥२६॥

आकाशयोनिर्योगस्था सर्वयोगेश्वरेश्वरी ।
शवासना चितान्तःस्था महेशवृषवाहना ॥२७॥

बालिका तरुणी वृद्धा वृद्धमाता जरातुरा ।
महामाया सुदुष्पूरा मूलप्रक्रुतिरीश्‍वरी ॥२८॥

संसारयोनिः सकला सर्वशक्तिसमुद्भवा ।
संसारसारा दुर्वारा दुर्निरीक्ष्या दुरासदा ॥२९॥

प्राणशक्तिः प्राणविद्या योगिनी परमा कला ।
महाविभूतिर्दुर्धर्षा मूलप्रकृतिसम्भवा ॥३०॥

अनाद्यनन्तविभवा परात्मा पुरुषो बली ।
सर्गस्थित्यन्तकरणी सुदुर्वाच्या दुरत्यया ॥३१॥

शब्दयोनिः शब्दमयी नादाख्या नादविग्रहा ।
प्रधानपुरुषातीता प्रधानपुरुषात्मिका ॥३२॥

पुराणी चिन्मयी पुंसामादिः पुरुषरूपिणी ।
भूतान्तरात्मा कूटस्था महापुरुषसंज्ञिता ॥३३॥

जन्ममृत्युजरातीता सर्वशक्तिसमन्विता ।
व्यापिनी चानवच्छिन्ना प्रधाना सुप्रवेशिनी ॥३४॥

क्षेत्रज्ञा शक्तिरव्यक्तलक्षणा मलवर्जिता ।
अनादिमायासम्भिन्ना त्रितत्त्वा प्रकृतिर्गुणा ॥३५॥

माहामाया समुत्पन्ना तामसी पौरुषी ध्रुवा ।
व्यक्ताव्यक्तात्मिका कृष्णरक्तशुक्लप्रसूतिका ॥३६॥

स्वकार्या कार्यजननी ब्रह्मास्या ब्रह्मसंश्रया ।
व्यक्ता प्रथमजा ब्राह्मी महती ज्ञानरूपिणी ॥३७॥

वैराग्यैश्वर्यधर्मात्मा ब्रह्ममूर्तिर्हृदिस्थिता ।
जयदा जित्वरी जैत्री जयश्रीर्जयशालिनी ॥३८॥

सुखदा शुभदा सत्या शुभा संक्षोभकारिणी ।
अपांयोनिः स्वयम्भूतिर्मानसी तत्त्वसम्भवा ॥३९॥

ईश्वराणी च शर्वाणी शंकरार्धशरीरिणी ।
भवानी चैव रुद्राणी महालक्ष्मीरथाम्बिका ॥४०॥

माहेश्वरी समुत्पन्ना भुक्तिमुक्तिफलप्रदा ।
सर्वेश्वरी सर्ववर्णा नित्या मुदितमानसा ॥४१॥

ब्रह्मोन्द्रोपेन्द्रनमिता शंकरेच्छानुवर्तिनी ।
ईश्वरार्धासनगता रघुत्तमपतिव्रता ॥४२॥

सकृद्विभाविता सर्वा समुद्रपरिशोषिणी ।
पार्वती हिमवत्पुत्री परमानन्ददायिनी ॥४३॥

गुणाढ्या योगदा योग्या ज्ञानमूर्तिविकासिनी ।
सावित्री कमला लक्ष्मीः श्रीरनन्तोरसिस्थिता ॥४४॥

सरोजनिलया शुभ्रा योगनिद्रा सुदर्शना ।
सरस्वती सर्वविद्या जगज्ज्येष्ठा सुमङ्गला ॥४५॥

वासवी वरदा वाच्या कीर्तिः सर्वार्थसाधिका ।
वागीश्वरी सर्वविद्या महाविद्या सुशोभना ॥४६॥

गुह्याविद्याऽऽत्मविद्या च सर्वविद्याऽऽत्मभाविता ।
स्वाहा विश्वम्भरी सिद्धिः स्वधा मेधा धृतिः श्रुतिः ॥४७॥

नाभिः सुनाभिः सुकृतिर्माधवी नरवाहिनी ।
पूज्या विभावरी सौम्या भगिनी भोगदायिनी ॥४८॥

शोभा वंशकरी लीला मानिनी परमेष्ठिनी ।
त्रैलोक्यसुन्दरी रम्या सुन्दरी कामचारणी ॥४९॥

महानुभावमध्यस्था महामहिषमर्दिनी ।
पद्ममाला पापहरा विचित्रमुकुटानना ॥५०॥

कान्ता चित्राम्बरधरा दिव्याभरणभूषिता ।
हंसाख्या व्योमनिलया जनसृष्टिविवार्धिनी ॥५१॥

निर्यान्त्रा मन्त्रवाहस्था नन्दिनी भद्रकालिका ।
आदित्यवर्णा कौमारी मयूरवावाहिनी ॥५२॥

वृषासनगता गौरी महाकाली सुरार्चिता ।
अदितिर्नियता रौद्री पद्मगर्भा विवाहना ॥५३॥

विरूपाक्षी लेलिहाना महासुरविनाशिनी ।
महाफलानवद्याङ्गी कामपुरा विभावरी ॥५४॥

विचित्ररत्नमुकुटा प्रणतर्द्धिविवर्धिनी ।
कौशिकी कर्षिणी रात्रिस्त्रिदशार्तिविनाशिनी ॥५५॥

विरूपा च सुरूपा च भीमा मोक्षप्रदायिनी ।
भक्तार्तिनाशिनी भव्या भवभावविनाशिनी ॥५६॥

निर्गुणा नित्यविभवा निःसारा निरपत्रपा ।
यशस्विनी सामगतिर्भवाङ्गनिलयालया ॥५७॥

दीक्षा विद्याधरी दीप्ता महेन्द्रविनिपातिनी ।
सर्वातिशायिनी विद्या सर्वशक्तिप्रदायिनी ॥५८॥

सर्वेश्वरप्रिया तार्क्षी समुद्रान्तरवासिनी ।
अकलङ्का निराधारा नित्यसिद्धा निरामया ॥५९॥

कामधेनुर्वेदगर्भा धीमती मोहनाशिनी ।
निःसंकल्पा निरातङ्का विनया विनयप्रदा ॥६०॥

ज्वाला माला सहस्त्राढ्या देवदेवी मनोन्मनी ।
उर्वी गुर्वी गुरुश्रेष्ठा सुगुणा षड्‌गुणात्मिका ॥६१॥

महाभगवती भव्या वसुदेवसमुद्भवा ।
महेन्द्रोपेन्द्रभगिनी भक्तिगम्यपरायणा ॥६२॥

ज्ञानज्ञेया जरातीता वेदान्तविषया गतिः ।
दक्षिणा दहना वाह्या सर्वभूतनमस्कृता ॥६३॥

योगमाया विभावज्ञा महामोहा महीयसी ।
सत्या सर्वसमुद्भूतिर्ब्रह्मवृक्षाश्रया मतिः ॥६४॥

बीजांकुरसमुद्भतिर्महाशक्तिर्महामतिः ।
ख्यातिः प्रतिज्ञा चित्संविन्महायोगेन्द्रशायिनी ॥६५॥

विकृतिः शांकरी शास्त्री यक्षगन्धर्वसेविता ।
वैश्वानरी महाशाला देवसेना गुहप्रिया ॥६६॥

महारात्रिः शिवानन्दा शची दुःखप्ननाशिनी ।
पूज्याऽऽपुज्या जगद्धात्री दुर्विज्ञेयस्वरूपिणी ॥६७॥

गुहाम्बिका गुहोत्पत्तिर्महापीठा मरुत्सुता ।
हव्यवाहान्तरा गार्गी हव्यवाहसमुद्भवा ॥६८॥

जगद्योनिर्जगन्माता जगन्मृत्युर्जरातिगा ।
बुद्धिर्माता बुद्धिमती पुरुषान्तरवासिनी ॥६९॥

तपस्विनी समाधिस्था त्रिनेत्रा दिविसंस्थिता ।
सर्वेन्द्रियमनोमाता सर्वभूतहृदिस्थिता ॥७०॥

संसारतारिणी विद्या ब्रह्मवादिमनोलया ।
ब्रह्माणी बृहती ब्राह्मी ब्रह्मभूता भयावनिः ॥७१॥

हिरण्मयी महारात्रीः संसारपरिवर्तिका ।
सुमालिनी सुरूपा च तारिणी भाविनी प्रभा ॥७२॥

उन्मीलिनी सर्वसहा सर्वप्रत्ययसाक्षिणी ।
तपिनी तापिनी विश्वा भोगदा धारिणी धरा ॥७३॥

सुसौम्या चन्द्रवदना ताण्डवासक्तमानसा ।
सत्त्वशुद्धिकरी शुद्धिर्मलत्रयविनाशिनी ॥७४॥

जगत्प्रिया जगन्मूर्तिस्त्रिमूर्तिरमृताश्रया ।
निराश्रया निराहारा निरंकुशरणोद्भवा ॥७५॥

चक्रहस्ता विचित्राङ्गी स्त्रग्विणी पद्मधारिणी ।
परापरविधानज्ञा महापुरुषपूर्वजा ॥७६॥

विद्येश्वरप्रिया विद्या विद्युज्जिह्वा जितश्रमा ।
विद्यामयी सहस्त्राक्षी सहस्त्रश्रवणात्मजा ॥७७॥

सहस्त्ररश्मिपद्मस्था महेश्वरपदाश्रया ।
ज्वालिनी सद्मना व्याप्ता तेजसी पद्मरोधिका ॥७८॥

महादेवाश्रया मान्या महादेवमनोरमा ।
व्योमलक्ष्मीः सिंहरथा चेकितान्यमितप्रभा ॥७९॥

विश्वेश्वरी विमानस्था विशोका शोकनाशिनी ।
अनाहता कुण्डलिनी नलिनी पद्मवासिनी ॥८०॥

शतानन्दा सतां कीर्तिः सर्वभूताशयस्थिता ।
वाग्देवता ब्रह्मकला कलातीता कलावती ॥८१॥

ब्रह्मर्षिर्ब्रह्महृदया ब्रह्मविष्णुशिवप्रिया ।
व्योमशक्तिः क्रियाशक्तिर्जनशक्तिः परागतिः ॥८२॥

क्षोभिका रौद्रिकाभेद्या भेदाभेदविवर्जिता ।
अभिन्ना भिन्नसंस्थाना वंशिनी वंशहारिणी ॥८३॥

गुह्यशक्तिर्गुणातीता सर्वदा सर्वतोमुखी ।
भगिनी भगवत्पत्नी सकला कालकारिणी ॥८४॥

सर्ववित् सर्वतोभद्रा गुह्यातीता गुहावलिः ।
प्रक्रिया योगमाता च गन्धा विश्वेश्वरेश्वरी ॥८५॥

कपिला कपिलाकन्ता कनकाभा कलान्तरा ।
पुण्या पुष्करिणी भोक्‍त्नी पुरंदरपुरःसरा ॥८६॥

पोषणी परमैश्वर्यभूतिदा भूतिभूषणा ।
पञ्जब्रह्मसमुत्पत्तिः परमात्माऽऽत्मविग्रहा ॥८७॥

नर्मोदया भानुमती योगिज्ञेया मनोजवा ।
बीजरूपा रजोरूपा वशिनी योगरूपिणी ॥८८॥

सुमन्त्रा मन्त्रिणी पूर्णा ह्लादिनी क्लेशनाशिनी ।
मनोहरा मनोरक्षी तापसी वेदरूपिणी ॥८९॥

वेदशक्तिर्वेदमाता वेदविद्याप्रकाशिनी ।
योगेश्वरेश्वरी माला महाशक्तिर्मनोमयी ॥९०॥

विश्वावस्था वीरमुक्तिर्विद्युन्माला विहायसी ।
पीवरी सुरभी वन्द्या नन्दिनी नन्दवल्लभा ॥९१॥

भारती परमानन्दा परापरविभेदिका ।
सर्वप्रहरणोपेता काम्या कामेश्वरेश्वरी ॥९२॥

अचिन्त्या चिन्त्यमहिमा दुर्लेखा कनकप्रभा ।
कूष्माण्डी धनरत्नाढ्या सुगन्धा गन्धदायिनी ॥९३॥

त्रिविक्रमपदोद्भूता धनुष्पाणिः शिरोहया ।
सुदुर्लभा धनाध्यक्षा धन्या पिङ्गललोचना ॥९४॥

भ्रान्तिः प्रभावती दीप्तिः पङ्कजायतलोचना ।
आद्या हृत्कमलोद्भूता परा माता रणप्रिया ॥९५॥

सत्क्रिया गिरिजा नित्यशुद्धा पुष्पनिरन्तरा ।
दुर्गा कात्यायनी चण्डी चर्चिका शान्तविग्रहा ॥९६॥

हिरण्यवर्णा रजनी जगन्मन्त्रप्रवर्तिका ।
मन्दराद्रिनिवासा च शारदा स्वर्णमालिनी ॥९७॥

रत्नमाला रत्नगर्भा पृथ्वी विश्वप्रमाथिनी ।
पद्मासना पद्मनिभा नित्यतुष्टामृतोद्भवा ॥९८॥

धुन्वती दुष्प्रकम्पा च सूर्यमाता दृषद्वती ।
महेन्द्रभगिनी माया वरेण्या वरदर्पिता ॥९९॥

कल्याणी कमला रामा पञ्चभूतवरप्रदा ।
वाच्या परेश्वरी नन्द्या दुर्जया दुरतिक्रमा ॥१००॥

कालरात्रिर्महावेगा वीरभद्रहितप्रिया ।
भद्रकाली जगन्माता भक्तानां भद्रदायिनी ॥१०१॥

कराला पिङ्गलाकारा सामवेदा महानदा ।
तपस्विनी यशोदा च यथाध्वपरिवर्तिनी ॥१०२॥

शङ्खिनी पद्मिनी सांख्या सांख्ययोगप्रवर्तिका ।
चैत्री संवत्सरा रुद्रा जगत्सम्पूरणीन्दजा ॥१०३॥

शुम्भारिः खेचरी खस्था कम्बुग्रीवा कलिप्रिया ।
खरध्वजा खरारूढा परार्ध्या परमालिनी ॥१०४॥

ऐश्वर्यरत्‍ननिलया विरक्ता गरुडासन ।
जयन्ती हृद्‌गहा रम्या सत्त्ववेगा गणाग्रणीः ॥१०५॥

संकल्पसिद्धा साम्यस्था सर्वविज्ञानदायिनी ।
कलिकल्मषहन्त्री च गुह्योपनिषदुत्तमा ॥१०६॥

नित्यदृष्टिः स्मृतिर्व्याप्तिः पुष्टिस्तुष्टिः क्रियावती ।
विश्वामरेश्वरेशाना भुक्तिर्मुक्तिः शिवामृता ॥१०७॥

लोहिता सर्वमाता च भीषणा वनमालिनी ।
अनन्तशयनानाद्या नरनारायणोद्भवा ॥१०८॥

नृसिंही दैत्यमथिनी शङ्खचक्रगदाधरा ।
संकर्षणसमुत्पत्तिरम्बिकोपान्तसंश्रया ॥१०९॥

महाज्वाला महामूर्तिः सुमूर्तिः सर्वकामधुक् ।
सुप्रभा सुतरां गौरी धर्मकामार्थमोक्षदा ॥११०॥

भ्रूमध्यनिलयापूर्वा प्रधानपुरुषा बली ।
महाविभूतिदा मध्या सरोजनयनासना ॥१११॥

अष्टादशभुजा नाट्या नीलोत्पलदलप्रभा ।
सर्वशक्त्या समारूढा धर्माधर्मानुवर्जिता ॥११२॥

वैराग्यज्ञाननिरता निरलोका निरिन्द्रिया ।
विचित्रगहना धीरा शाश्वतस्थानवासिनी ॥११३॥

स्थानेश्वरी निरानन्दा त्रिशूलवरधारिणी ।
अशेषदेवतामूर्तिर्देवता परदेवता ॥११४॥

गणात्मिका गिरेःपुत्री निशुम्भविनिपातिनी ।
अवर्णा वर्णरहिता निर्वर्णा बीजसम्भवा ॥११५॥

अनन्तवर्णानन्यस्था शंकरी शान्तमानसा ।
अगोत्रा गोमती गोप्त्री गुह्यरूपा गुणान्तरा ॥११६॥

गोश्रीर्गव्यप्रिया गौरी गणेश्वरनमस्कृता ।
सत्यमात्रा सत्यसंध्या त्रिसंध्या संधिवर्जिता ॥११७॥

सर्ववादाश्रया सांख्या सांख्ययोगसमुद्भवा ।
असंख्येयाप्रमेयाख्या शून्या शुद्धकुलोद्भवा ॥११८॥

विन्दुनादसमुत्पत्तिः शम्भुवामा शशिप्रभा ।
विसङ्गा भेदरहिता मनोज्ञा मधुसूदनी ॥११९॥

महाश्रीः श्रीसमुत्पत्तिस्तमःपारे प्रतिष्ठिता ।
त्रितत्त्वमाता त्रिविधा सुसूक्ष्मपदसंश्रया ॥१२०॥

शान्त्यतीता मलातीता निर्विकारा निराश्रया ।
शिवाख्या चित्रनिलया शिवज्ञानस्वरूपिणी ॥१२१॥

दैत्यदानवनिर्मात्री काश्यपी कालकर्णिका ।
शास्त्रयोनिः प्रियामूर्तिश्चतुर्वर्गप्रदर्शिता ॥१२२॥

नारायणी नवोद्भूता कौमुदी लिङ्गधारिणी ।
कामुकी ललिता तारा परापरविभूतिदा ॥१२३॥

परान्तजातमहिमा वडवा वामलोचना ।
सुभद्रा देवकी सीता वेदवेदाङ्गपारगा ॥१२४॥

मनस्विनी मन्युमाता महामन्युसमुद्भवा ।
अमृत्युरमृतास्वादा पुरुहूता पुरुप्लुता ॥१२५॥

अशोच्या भिन्नविषया हिरण्यरजतप्रिया ।
हिरण्या राजती हैमी हेमाभरणभूषिता ॥१२६॥

विभ्राजमाना दुर्ज्ञेया ज्योतिष्टोमफलप्रदा ।
महानिद्रासमुद्भूता बलीन्द्रा सत्यदेवता ॥१२७॥

दीर्घा ककुद्मिनी विद्या शान्तिदा शान्तिवर्धिनी ।
लक्ष्म्यादिशक्तिजननी शक्तिचक्रप्रवर्तिका ॥१२८॥

त्रिशक्तिजननी जन्या षडूर्मिपरिवर्जिता ।
स्वाहा च कर्मकरणी युगान्तदलनात्मिका ॥१२९॥

संकर्षणा जगद्धात्री कामयोनिः किरीटिनी ।
ऐन्द्री त्रैलोक्यनमिता वैष्णवी परमेश्वरी ॥१३०॥

प्रद्युम्नदयिता दान्ता युग्मदृष्टिस्त्रिलोचना ।
महोत्कटा हंसगतिः प्रचण्डा चण्डविक्रमा ॥१३१॥

वृषावेशा वियन्मात्रा विन्ध्यपर्वतवासिनी ।
हिमवन्मेरुनिलया कैलासगिरिवासिनी ॥१३२॥

चाणूरहन्त्री तनया नीतिज्ञा कामरूपिणी ।
वेदाविद्याव्रतरता धर्मशीलानिलाशना ॥१३३॥

अयोध्यानिलया वीरा महाकालसमुद्भवा ।
विद्याधरप्रिया सिद्धा विद्याधरनिराकृतिः ॥१३४॥

आप्यायन्ती वहन्ती च पावनी पोषणी खिला ।
मातृका मन्मथोद्भूता वारिजा वाहनप्रिया ॥१३५॥

करीषिणी स्वधा वाणी वीणावादनतत्परा ।
सेविता सेविका सेवा सिनीवाली गुरुत्मती ॥१३६॥

अरुन्धती हिरण्याक्षी मणिदा श्रीवसुप्रदा ।
वसुमती वसोर्धारा वसुन्धरासमुद्भवा ॥१३७॥

वरारोहा वरार्हा चावपुःसङ्गसमद्भवा ।
श्रीफल श्रीमती श्रीशा श्रीनिवासा हरिप्रिया ॥१३८॥

श्रीधरी श्रीकरी कम्प्रा श्रीधरा ईशवीरणी ।
अनन्तदृष्टिरक्षुद्रा धात्रीशा धनदप्रिया ॥१३९॥

निहन्त्री दैत्यसिंहानां सिंहिका सिंहवाहिणी ।
सुसेना चन्द्रनिलया सुकीर्तिश्छिन्नसंशया ॥१४०॥

बलज्ञा बलदा वामा लेलिहानामृतस्त्रवा ।
नित्योदिता स्वयंज्योतिरुत्सुकामृतजीविनी ॥१४१॥

वज्रदंष्ट्रा वज्रजिह्वा वैदेही वज्रविग्रहा ।
मङ्गल्या मङ्गला माला मलिना मलहारिणी ॥१४२॥

गान्धर्वी गारुडी चान्द्री कम्बलाश्वतप्रिया ।
सौदामनी जनानन्दा भ्रुकुटीकुटिलानना ॥१४३॥

कर्णिकारकरा कक्षा कंसप्राणापहारिणी ।
युगंधरा युगावर्ता त्रिसंध्या हर्षवर्धिनी ॥१४४॥

प्रत्यक्षदेवता दिव्या दिव्यगन्धा दिवापरा ।
शक्रासनगता शाक्री साध्वी नारी शवासना ॥१४५॥

इष्टा विशिष्टा शिष्टेष्टा शिष्टाशिष्टप्रपूजिता ।
शतरूपा शतावर्ता विनीता सुरभिः सुरा ॥१४६॥

सुरेन्द्रमाता सुद्युम्ना सुषुम्णा सूर्यसंस्थिता ।
समीक्षा सत्प्रतिष्ठा च निवृत्तिर्ज्ञानपारगा ॥१४७॥

धर्मशास्त्रार्थकुशला धर्मज्ञा धर्मवाहना ।
धर्माधर्मविनिर्मात्री धार्मिकाणां शिवप्रदा ॥१४८॥

धर्मशक्तिर्धर्ममयी विधर्मा विश्वधर्मिणी ।
धर्मान्तरा धर्ममध्या धर्मपूर्वा धनप्रिया ॥१४९॥

धर्मोपदेशा धर्मात्मा धर्मलभ्या धराधरा ।
कपाली शाकलामूर्तिः कलाकलितविग्रहा ॥१५०॥

सर्वशक्तिविनिर्मुक्ता सर्वशक्त्याश्रयाश्रया ।
सर्वा सर्वेश्वरी सूक्ष्मा सुसूक्ष्मा ज्ञानरूपिणी ॥१५१॥

प्रधानपुरुषेशानी महापुरुषसाक्षिणी ।
सदाशिव वियन्मूर्तिर्देवमूर्तिरमूर्तिका ॥१५२॥

फलश्रुतिः

एवं नाम्नां सहस्त्रेण तुष्टाव रघुनन्दनः ।

कृताञ्जलिपुटो भूत्वा सीतां हृष्टतनूरुहाम् ॥१५३॥

भारद्वाज महाभाग यश्चैतत् स्तोत्रमद्भतम् ।
पठेद्वा पाठयेद्वापि स याति परमं परम् ॥१५४॥

ब्रह्मक्षत्रियविड्योनिर्ब्रह्म प्रोप्नोति शाश्वतम् ।
शूद्रः सद्गतिमाप्नोति धनधान्यविभूतयः ॥१५५॥

भवन्ति स्तोत्रमाहात्म्यादेतत् स्वस्त्ययनं महत् ।
मारीभये राजभये तथा चौराग्निजे भये ॥१५६॥

व्याधीनां प्रभवे घोरे शत्रूत्थाने च संकटे ।
अनावृष्टिभये विप्र सर्वशान्तिकरं परम् ॥१५७॥

यद्यदिष्टतमं यस्य तत्सर्वं स्तोत्रतो भवेत् ।
यत्रैतत् पठ्यते सम्यक् सीतानामसहस्त्रकम् ॥१५८॥

रामेण सहिता देवी तत्र तिष्ठत्यसंशयम् ।
महापापातिपापानि विलयं यान्ति सुव्रत ॥१५९॥

॥ इत्यार्षे श्रीमद्रामायणे वाल्मीकीये आदिकाव्ये अद्भुतोत्तरकाण्डे श्रीसीतासहस्त्रनामस्तोत्रं सम्पूर्णम् ॥