श्री चन्द्र कवच - chandr kavach
 |
| श्री चन्द्र कवच - chandr kavach |
श्री चन्द्र कवच - chandr kavach
अस्य श्रीचन्द्रकवचस्तोत्र महामन्त्रस्य गौतम ऋषिः । अनुष्टुप् छन्दः । सोमो देवता । रं बीजम् । सं शक्तिः । ओं कीलकम् । मम सोमग्रहप्रसादसिद्ध्यर्थे जपे विनियोगः ।करन्यासः
वां अङ्गुष्ठाभ्यां नमः । वीं तर्जनीभ्यां नमः ।
वूं मध्यमाभ्यां नमः । वैं अनामिकाभ्यां नमः ।
वौं कनिष्ठिकाभ्यां नमः ।वः करतलकरपृष्ठाभ्यां नमः ॥
अङ्गन्यासः
वां हृदयाय नमः । वीं शिरसे स्वाहा ।
वूं शिखायै वषट् । वैं कवचाय हुम् ।
वौं नेत्रत्रयाय वौषट् । वः अस्त्राय फट् ।
भूर्भुवस्सुवरोमिति दिग्बन्धः ॥
ध्यानम्
सोमं द्विभुजपद्मं च शुक्लाम्बरधरं शुभम् ।
श्वेतगन्धानुलेपं च मुक्ताभरणभूषणम् ।
श्वेताश्वरथमारूढं मेरुं चैव प्रदक्षिणम् ।
सोमं चतुर्भुजं देवं केयूरमकुटोज्ज्वलम् ।
वासुदेवस्य नयनं शङ्करस्य च भूषणम् ।
एवं ध्यात्वा जपेन्नित्यं चन्द्रस्य कवचं मुदा ॥
कवचं
शशी पातु शिरोदेशे फालं पातु कलानिधिः ।
चक्षुषी चन्द्रमाः पातु श्रुती पातु कलात्मकः ॥ १ ॥
घ्राणं पक्षकरः पातु मुखं कुमुदबान्धवः ।
सोमः करौ तु मे पातु स्कन्धौ पातु सुधात्मकः ॥ २ ॥
ऊरू मैत्रीनिधिः पातु मध्यं पातु निशाकरः ।
कटिं सुधाकरः पातु उरः पातु शशन्धरः ॥ ३ ॥
मृगाङ्को जानुनी पातु जङ्घे पात्वमृताब्धिजः ।
पादौ हिमकरः पातु पातु चन्द्रोऽखिलं वपुः ॥ ४ ॥
एतद्धि कवचं पुण्यं भुक्तिमुक्तिप्रदायकम् ।
यः पठेच्छृणुयाद्वापि सर्वत्र विजयी भवेत् ॥ ५ ॥
इति श्रीब्रह्मवैवर्त महापुराणे दक्षिणखण्डे श्री चन्द्र कवचः ।
ये भी पढ़ें
[ मंगल अष्टोत्तर शतनामावली - मंगल देवता के 108 नाम ] [ अङ्गारक स्तोत्र ( मंगल स्तोत्र ) ]
[ बुध कवच - बुध ग्रह कवच ] [ बुध अष्टोत्तर शतनामावली | बुध के 108 नाम ] [ मंगल देवता के 108 नाम ]
[ शनि सहस्त्रनामावली ] [ श्री शनैश्चर सहस्रनाम स्तोत्र ] [ नवग्रह चालीसा ] [ नवग्रह मङ्गलाष्टकं ]
[ श्री शुक्र स्तोत्र ] [ नवग्रह सूक्तम् ] [ श्री चन्द्र स्तोत्र ] [ श्री चन्द्र कवच ] [ श्री राहु स्तोत्र ]
[ नवग्रह पीड़ाहर स्तोत्र ] [ शनि देव के 108 नाम ] [ श्री राहु अष्टोत्तरशतनामावली ]
टिप्पणियाँ